Instant millionaire ang isang pinay OFW sa UAE matapos nyang itaya sa lotto ang kanyang last money. Sa gitna ng krisis, pinalad magi...
Instant millionaire ang isang pinay OFW sa UAE matapos nyang itaya sa lotto ang kanyang last money.
Sa gitna ng krisis, pinalad maging milyonarya ang pinay na si Remedios
Bombon na kasalukuyang nagta-trabaho sa United Arab Emirates nang abutan
ng pandemya.
Kwento nya, isa syang housekeeper at bus attendant doon bago ipinatupad
ang lockdown sa kanilang lugar na naging sanhi ng pagtigil ng ilang
industriya kabilang na ang mga pinag-tatrabahuhan nya.
Ngunit housemaid raw ang kanyang unang naging trabaho pagdating nya sa UAE.
Ayon kay Remedios, kahuli-hulihang pera nya na sa pitaka ang AED60 o
₱820+ na itinaya sa lotto kung kaya naman pikit-mata raw nya itong
ginawa.
Bago manalo, tatlong buwan na umano syang walang trabaho dulot ng
pagsasara ng mga kumpanya bilang pag-iingat sa sakit kaya ito ang
nagtulak sa kanya para magbakasali sa lotto.
Pagbabahagi ng OFW, ang dasal raw niya noon ay kahit pa apat na numero
lang ang mapanalunan ay sapat na sa kanya. Subalit laking gulat niya
nang pati ikalimang numero ay nakuha rin nya.
Hindi raw sya makapaniwala sa AED 333,333 o nasa ₱4.5 million na kanyang napanalunan mula sa AED60 lang.
Aniya, naging emosyonal sya ng lubos sapagkat naisip niya ang kanyang
mga pinagdaanan bago siya magkaroon ng malaking halaga ng pera.
Dahil dito, makakapagpagawa na raw sya ng sariling bahay at
makapagbibigay na rin sa kanyang mga kapatid nang pangpuhunan para sa
kanilang negosyo.
Panuorin dito:
