Naiba at nakasusulasok na kasong rape ang nangyari sa lalawigan ng Quirino Province. Isang ginang ang ginagawang parausan ng tatlo niyang k...
Naiba at nakasusulasok na kasong rape ang nangyari sa lalawigan ng Quirino Province.
Isang ginang ang ginagawang parausan ng tatlo niyang kapatid na lalaki, habang ang dalagita niyang anak na may diperensiya sa pag-iisip ay dalawang beses namang inanakan ng sariling ama sa bayan ng Aglipay ng nasabing probinsiya.
Ayon kay Aglipay Police Station chief, Capt. William Agpalza, personal na nagtungo sa kanilang himpilan ang mga opisyal ng Barangay Dumabel, Aglipay kasama ang mag-inang biktima ng mga demonyo sa kanilang bahay para pormal na magharap ng reklamong panggagahasa.
Ang ginang ay 49-anyos, itinago sa pangalang Felomina; habang ang kanyang anak na si “Daisy” ay 17.
Si Daisy na sinasabing may depekto sa pag-iisip ay 8 buwan buntis ngayon at ang ama ng ipinagbubuntis ay ang sarili nitong tatay.
Ayon sa report, 15-anyos pa lamang si Daisy inanakan na siya ng ama.
Natuklasan ang pang-aabuso ng ama kay Daisy kaya inaresto ito ng pulisya at nakapiit na ngayon.
Kamakailan, nalaman ni Filemona na ginagahasa rin pala ng dalawa niyang kapatid na lalaki o ng mga tiyuhin si Daisy kahit buntis na ito sa buhong na asawa.
Dahil dito, napilitang magreklamo si Felomina laban sa mga kapatid sa pamamagitan ng paghingi ng tulong sa barangay.
Sa ulat, umamin narin si Felomina na maging siya ay matagal nang halinhinang pinagpaparausan ng tatlong kapatid na lalaki.
Sa salaysay ni Felomina, hindi na niya matandaan kung ilang beses siyang ginahasa ng kanyang kuya na si alyas “Gusting”.
Ayon sa ginang, hindi niya magawang tumutol sa panggagahasa ni Gusting dahil lagi itong may sukbit sa baywang ng matalas na itak.
Bukod kay Gusting, ginagawa rin siyang parausan ng dalawa pang kapatid na sina Pilo at Bianong. Palagi siyang tinatakot ng mga ito na papatayin silang mag-ina kapag tumutol at nagsumbong sa mga awtoridad.
Hindi naman magawang makapagsumbong ng ginang dahil nasa bundok ang kanilang bahay at malayo sa kabihasnan.
Ngunit ang hindi na masikmura ni Felomina ay nang malaman na pati ang kanyang anak ay nilalapastangan ng tatlong kapatid.
“Buntis na nga ang anak ko dahil sa hayop nilang ama, tapos ay ginahasa pa siya ng aking demonyong mga kapatid,” salaysay ni Felomina sa pulisya.
Nadakip ang magkakapatid na demonyo.
Nasa pag-iingat na ng barangay ang mag-ina at inilapit na rin sa Department of Social Welfare and Development (DSWD) ang kalagayan ni Daisy na malapit nang magsilang ng pangalawa nyang anak bunga ng kababoyan ng sariling ama at mga tiyuhin.
Sabi ng pulisya, "pati si Satanas mahihiya sa ginawa ng mga kadugo ng mag-ina. "
