IPINAG-UTOS ni Manila Mayor Francisco “Isko Moreno” Domagoso sa Office of the Senior Citizens (OSCA) na i-update ang listahan ng mga be...
IPINAG-UTOS ni Manila Mayor Francisco “Isko Moreno” Domagoso sa Office of the Senior Citizens (OSCA) na i-update ang listahan ng mga benepisyaryo upang malaman ang bilang ng mga senior citizen sa lungsod.
Ayon sa alkalde, makakatulong ito upang malaman ang aktwal na bilang ng mga benepisyaryo ng buwanang limang daang pisong pensyon.
“We will find out who among them have died or have moved to another city, so that our data is up-to-date. We are using taxpayers’ money. We have to be careful in administering the people’s money,” paliwanag ni Domagoso.
Inaasahang makukumpleto sa susunod na tatlong buwan ang payout ng mga pensyon kabilang na ang distribusyon ng PayMaya cards sa lungsod.
Ipapamahagi ang mga card sa 150,000 senior citizen sa lungsod na ihahatid sa kanilang mga bahay upang hindi na kailangan pang lumabas ng mga ito alinsunod na rin sa quarantine protocols ng gobyerno.
Samantala, inanunsyo ng lokal na pamahalaan ng Navotas nitong Biyernes na nagsimula nang makatanggap ng pensyon ang mga senior citizens sa lungsod.
Ayon sa Navotas LGU, nasa 13,800 na benepisyaryo mula sa 18 barangay sa lungsod ang makakatanggap ng buwanang pensyon na nagkakahalaga ng P3,000 para sa mga buwan ng Enero hanggang Hunyo.
Maliban sa anim na buwang pensyon, matatanggap na rin ng ilang senior citizen ang kanilang unpaid benefits mula sa nakaraang taon.
“We are thankful that our senior citizens will now get their much-awaited pension. This will augment their budgets for their daily sustenance and medical needs,” pahayag ni Navotas Mayor Toby Tiangco.
Dahil sa umiiral na community quaantine, pinayuhan rin ng alkalde na ang kanilang mga anak na lamang o yung mga hindi madaling kapitan ng virus ang kumuha ng kanilang pensyon.
“However, we would like to remind our dear seniors that we are still under community quarantine and it is dangerous for them to go out. If possible, let your children or those not vulnerable to the virus, claim the pension for you. We want you to stay safe in your homes,” paliwanag ni Tiangco.
Inaasahan rin ng alkalde na makakatulong ang cash allowance sa mga senior citizens para sa kanilang mga gastusin.
“We hope the stipend they receive will ease their financial burden and lessen their anxiety and concerns,” ani Tiangco.
Sa ilalim ng Expanded Senior Citizens Act of 2010, karapatan ng mga senior citizen na tumanggap ng P500 buwanang pensyon.
